| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.125 | Dem. 18.128 (English) | >>Dem. 18.131 |
18.127—εἰ γὰρ Αἰακὸς ἢ Ῥαδάμανθυς ἢ Μίνως ἦν ὁ κατηγορῶν , ἀλλὰ μὴ σπερμολόγος , περίτριμμʼ ἀγορᾶς , ὄλεθρος γραμματεύς , οὐκ ἂν αὐτὸν οἶμαι ταῦτʼ εἰπεῖν οὐδʼ ἂν οὕτως ἐπαχθεῖς λόγους πορίσασθαι , ὥσπερ ἐν τραγῳδίᾳ βοῶντα “ὦ γῆ καὶ ἥλιε καὶ ἀρετὴ ” καὶ τὰ τοιαῦτα , καὶ πάλιν “σύνεσιν καὶ παιδεία ” ἐπικαλούμενον , “ᾗ τὰ καλὰ καὶ τὰ αἰσχρὰ διαγιγνώσκεται .” ταῦτα γὰρ δήπουθεν ἠκούετʼ αὐτοῦ λέγοντος .
18.128σοὶ δʼ ἀρετῆς , ὦ κάθαρμα , ἢ τοῖς σοῖς τίς μετουσία ; ἢ καλῶν ἢ μὴ τοιούτων τίς διάγνωσις ; πόθεν ἢ πῶς ἀξιωθέντι ; ποῦ δὲ παιδείας σοὶ θέμις μνησθῆναι ; ἧς τῶν μὲν ὡς ἀληθῶς τετυχηκότων οὐδʼ ἂν εἷς εἴποι περὶ αὑτοῦ τοιοῦτον οὐδέν , ἀλλὰ κἂν ἑτέρου λέγοντος ἐρυθριάσειε , τοῖς δʼ ἀπολειφθεῖσι μέν , ὥσπερ σύ , προσποιουμένοις δʼ ὑπʼ ἀναισθησίας τὸ τοὺς ἀκούοντας ἀλγεῖν ποιεῖν ὅταν λέγωσιν , οὐ τὸ δοκεῖν τοιούτοις εἶναι περίεστιν .
οὐκ ἀπορῶν δʼ ὅ τι χρὴ περὶ σοῦ καὶ τῶν σῶν εἰπεῖν , ἀπορῶ τοῦ πρώτου μνησθῶ · πότερʼ ὡς ὁ πατήρ σου Τρόμης ἐδούλευε παρʼ Ἐλπίᾳ τῷ πρὸς τῷ Θησείῳ διδάσκοντι γράμματα , χοίνικας παχείας ἔχων καὶ ξύλον ; ἢ ὡς ἡ μήτηρ τοῖς μεθημερινοῖς γάμοις ἐν τῷ κλεισίῳ τῷ πρὸς τῷ καλαμίτῃ ἥρῳ χρωμένη τὸν καλὸν ἀνδριάντα καὶ τριταγωνιστὴν ἄκρον ἐξέθρεψέ σε ; ἀλλὰ πάντες ἴσασι ταῦτα , κἂν ἐγὼ μὴ λέγω . ἀλλʼ ὡς ὁ τριηραύλης Φορμίων , ὁ Δίωνος τοῦ Φρεαρρίου δοῦλος , ἀνέστησεν αὐτὴν ἀπὸ ταύτης τῆς καλῆς ἐργασίας ; ἀλλὰ νὴ τὸν Δία καὶ θεοὺς ὀκνῶ μὴ περὶ σοῦ τὰ προσήκοντα λέγων αὐτὸς οὐ προσήκοντας ἐμαυτῷ δόξω προῃρῆσθαι λόγους .
18.129
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 18.125 | Dem. 18.128 (English) | >>Dem. 18.131 |
